पप्पू ने कहा डॉक्टर साब हमाओ इलाज कर दो...

पप्पू - डॉक्टर साब हमाओ इलाज कर दो ।
डॉक्टर - तुम्हारा ये हाल कैसे हुआ?
पप्पू - छत पे धरी हती 500 ईंटे, सब नेंचे ल्याने हती , ऐसे 5-10 करके ल्याते तो परेशान हो जाते। सो हमने एक उपाय सोचो। छत पे धरी हती एक ड्रम, ड्रम मे भर दई 500 ईँटे, फिर एक रस्सा बांद दओ और कुन्दा मे फँसाकें रस्सा नेंचे लटका दओ । हमने नेंचे जाके रस्सा पकडो  सो ड्रम नेंचे लटक गओ। अब ड्रम 500 किलो की  और हम धरे 50 किलो के सो ड्रम सरसरात नेंचे आ रई और हम सरसरात ऊपर जा रए। ड्रम जैसई नेंचे गिरी  सो उको तल्ला खुल गओ  और सब ईँटे बाहर कड़ गई। अब ड्रम बची 25 किलो की और हम हते 50 किलो के, सो हम सरसरात नेंचे आ रए और ड्राम सरसरात ऊपर जा रई। हम जैसई गिरे ईटो के ढेर पे सो हमाई करहाई टूट गई और हमाए हाथ से रस्सा छूट गओ अब रस्सा सरसरात ऊपर जा रओ और ड्रम सरसरात नेंचे आ रई और गिरी हमाई मूड़ पे, सो हमाई खपड़िया फूट गई।
अब तुमई अच्छो करो डॉक्टर साब ।